• socialize wit us:
Inkuru Irambuye

inkuru ya Jean de Dieu Murasira
Share Button

Leta y'Amerika imaze gutanga asaga miliyari y'amadolari mu kurwanya Sida mu Rwanda

Miliyari y'amadolari niyo Leta Zunze z'Amerika imaze gushyirwa mu bikorwa byo kurwanya Sida mu Rwanda mu myaka 12 ishize
Nov 20 2017
35
Ubuzima

Ni inkunga yanyuze mu kigega cy’ingoboka cya Leta Zunze Ubumwe za Amerika kizwi nka PEPFAR, ikaba yaratumye Abanyarwanda basaga ibihumbi 94,000 barimo abana 1800 bamenya uko bahagaze, abasangaga baranduye bagahabwa imiti igabanya ubukana.

Iyo miliyari ni imwe mu zisaga 70 USA yatanze mu kurwanya ubwandu bwa Virusi ya Sida ku Isi hose mu gihe cy’imyaka 14 ishize.

Ubwo yari mu kinganiro n’abanyamakuru kuri uyu wa Mbere ku itariki ya 13 Ugushyingo 2017, Ambasaderi wa Leta Zunze Ubumwe za Amerika mu Rwanda, Erica J. Barks-Ruggles, yavuze ko Amerika izakomeza gufasha u Rwanda guhangana n’icyorezo cya Sida.

Yagize ati “Twakomeje gufasha u Rwanda guhangana n’ubwandu bwa Sida kandi tuzanakomeza ku buryo abafite ubwandu bazakomeza kubona imiti ndetse turashaka ko mu 2030 mu Rwanda nta bwandu bushya buzaba bukihagaragara.”

Ubufasha bwa Leta Zunze ubumwe za Amerika ku kurwanya Sida mu Rwanda bwibanda ahanini mu bukangurambaga, gutanga imiti igabanya ubukana, gutanga amahugurwa no gusuzuma ubwandu bushya.

Amerika yatangaje ko izakomeza gufasha u Rwanda kugera ku cyerekezo cy’Umuryango w’Abibumbye cyizwe 90-90-90, bivuze ko mu 2020 abafite ubwandu bwa Virusi ya Sida bazaba bahabwa imiti ku gihe kandi neza; 90% bazaba bazi uko bahagaze naho abandi 90% bazaba bafata imiti bazaba batazicwa na Sida.

Ku wa 18 Ugushyingo, Ambasade ya Amerika irateganya gusuzuma ku buntu ubwandu bwa Virusi itera Sida kuri Stade Regional i Nyamirambo.

Irateganya kandi gukoresha asaga miliyoni 60 z’Amadolari mu kurwanya ubwandu bwa Virusi itera Sida mu 2018; arimo azakoreshwa mu kuburinda ku bana bandura bavuka, kugura imiti, gukora ubukangurambaga, gahunda zo gusiramura abagabo n’ahandi.


Ibitekerezo Byatanzwe
tanga igitekerezo

Create Account



Log In Your Account